Լուրեր սահմանից. Արծրուն Հովհաննիսյան (5 ապրիլի, թարմացվող)

Հարգելի ընթերցող, այս էջից կարող ես տեղեկանալ Արծրուն Հովհաննիսյանի՝ ողջ օրվա ընթացքում արված հայտարարություններին:

23:00
Այսօր դիվային ծավալի լրահոսի մեջ «Սմերչի» չպայթած հրթիռների նկարները մեզ էին տվել այլ տեղից: Արդեն երեկոյան ի վերջո ստացանք իրականում Մարտակերտում և Հադրութից հարավ ընկած, պայթած ու չպայթած հրթիռների նկարները: Ահա ադրբեջանական իրական «Սմերչի» հրթիռները:

19:00
Թշնամու մարդկային կարուստները իրականում չափազանց մեծ են, քան նույնիսկ մինչ այդ հայտնած տվյալները:

18:00
Արծրուն Հովհաննիսյանը ֆեյսբուքյան իր պատին է տեղադրել է Սուրեն Արեենցի գրառումը.
«Ուշադրություն.
ՀՀ ՊՆ խոսնակ Արծրուն Հովհաննիսյան —ի նկարով ադրբեջանական կեղծ օգտատերեր են հայտնվել և նամակներ են գրում, հայտարարություններ տարածում։ Ուշադիր նայեք նոր կարդացեք կամ նամակներ ուղարկեք։ Սա նույնպես թշնամու խորամանկ քայլերից է։ Ինչպես նաև Արցախի նկարով ֆեյքերը նույնպես շատ են։ Համացանցում զգոն եղեք։»
—
Արծրուն Հովհաննիսյանը ֆեյսբուքյան իր պատին է տեղադրել Panorama.am-ի հոդվածը, որտեղ ասվում է.
«Ադրբեջանական կողմը կրակում է, բայց ոչ նախկին ինտենսիվությամբ: Այս մասին Panorama.am-ին հայտնեց ԼՂՀ Պաշտպանության բանակի մամուլի քարտուղար Սենոր Հասրաթյանը:
«Պաշտպանության բանակը ձգտում է հավատարիմ մնալ կրակի դադարեցման մասին պայմանավորվածությանը»,-ասաց Ս. Հասրաթյանը»:

17:00
Ապրիլի 5-ին ՀՀ պաշտպանության նախարար Սեյրան Օհանյանն այցելել է ՊՆ Կենտրոնական կլինիկական զինվորական հոսպիտալ:

14:00
Արծրուն Հովհաննիսյանն իր էջում տեղադրել է «Հետքի» հոդվածը, որտեղ ասվում է.

Ցավում ենք ու հպարտանում
Ռուբեն Աշոտի Իսկանդարյան — կրտսեր սերժանտ
Ծնված 1993թ., 2014/1 զորակոչ, Շահումյանի ԶԿ
Հոգեհանգիստը տեղի կունենա 05.04.2016թ. ժամը 18:00
Հուղարկավորությունը` 06.04.2016թ. ժամը 13:00
Հասցե` ք. Երևան, Արգավանդի խճուղի, սգո սրահ

—

Ցավում ենք ու հպարտանում
Մերուժան Արթուրի Ստեփանյան — ավագ լեյտենանտ
Ծնված 1993թ., ՀՀ ԶՈՒ-ում ծառայում է 2009թ-ից, Գյումրու ԶԿ
Հոգեհանգիստը տեղի կունենա 05.04.2016թ. ժամը 14:00
Հուղարկավորությունը` 06.04.2016թ. ժամը 14:00
Հասցե` Շիրակի մարզ, ք. Գյումրի, Սբ. Նշան եկեղեցի

12:00
Մատաղիսի հատվածում իրենք իրենց դիրքերի մերձակայքերից ու միջանկյալներից ադրբեջանցիները հանում են իրենց արգելափակից զորքերով ոչնչացված զինվորների դիակները: Երկու անգամ թիկունքից գնդակահարել են սեփական զորքերին, որոնք հայկական ստորաբաժանումների ճնշման տակ թողնում էին դիրքերը:
—
Արտակ Փայտյանի արված գրառմանն ի հավելումն.
«Ադրբեջանի ռազմական տեխնիկան գտնվում է անսարք վիճակում
— արկերի մեծ մասը չեն պայթում,
— ռազմական տեխնիկան սահմանագիծ են հասցնում կցորդիչներով,
— որոշ անօդաչու թռչող սարքեր ընկնում են սահմանագիծ չհասնելով»:
Արծրուն Հովհաննիսյանի լրացումը.
«Աջ կողմում Սմերչի չպայթած հրթիռն է, ահա և «ատոմային հրթիռներից հետո երկրորդ զենքը» իր հետևանքներով: Ես դեռ մի քանի տարի առաջ ասում էի, որ այս զենքի համբացը անհարկի ուռչացված է: Էլ չասած մոտ 50 մլն դոլարանոց «քցոցու» թեման: Մնացածը ինքներդ կհասկանաք: Հա մի լրացում էլ, եթե Ադրբեջանը Սմերչ չի օգտագործել, ապա այս հրթիռները երևի ոտքով են եկել:»
—
ԼՂՀ պաշտպանության նախարարությունը հայտարարում է, որ հավատարիմ է իր որդեգրած մարտավարությանը և երբեք քաղաքացիական բնակավայրերի ուղղությամբ կրակ չի վարում: Այնինչ ադրբեջանական կողմը բացի Մարտակերտի և շրջակա գյուղերի հրետակոծությունից, երեկ արկակոծել է նաև Մարտունի բնակավայրը: Իսկ ինչ վերաբերում է Ադրբեջանի պաշտպանության նախարարության մամուլի խոսնակի` Ստեփանակերտի ուղղությամբ հարվածներ հասցնելու մասին հայտարարությանը, ապա դրան ԼՂՀ ՊՆ մամուլի ծառայությունն անդրադարձել է վերջինիս ղեկավարի նմանատիպ հայտարարությանն ի պատասխան երեկ տարածված հաղորդագրությունում:

11:00

Ցավում ենք ու հպարտանում
Աղասի Սարմենի Ասատրյան — շարքային
Ծնված 1996թ., 2014/1 զորակոչ, Մասիսի ԶԿ
Հոգեհանգիստը տեղի կունենա 05.04.2016թ. ժամը 18:00
Հուղարկավորությունը ` 06.04.2016թ. ժամը 13:00
Հասցե` ք. Մասիս, Կայարանի ակումբ

—

Ցավում ենք ու հպարտանում
Վրեժ Վարդանի Սարգսյան — Կրտսեր սերժանտ
Ծնված 1989թ., ԶՈՒ-ում ծառայության մեջ է 2013թ.-ից, Վարդենիսի ԶԿ
Հոգեհանգիստը տեղի կունենա 05.04.2016թ. ժամը 17:00
Հուղարկավորությունը` 06.04.2016թ. ժամը 13:00
Հասցե ` Գեղարքունիքի մարզ, գ. Փոքր Մասրիք

—

Ցավում ենք ու հպարտանում
Հարություն Հովհաննեսի Աբրահամյան — շարքային
Ծնված 1985թ., ԶՈւ-ում ծառայություն մեջ է 2013թ.-ից, Վարդենիսի ԶԿ
Հոգեհանգիստը տեղի կունենա 05.04.2016թ. ժամը 17:00
Հուղարկավորությունը ` 06.04.2016թ. ժամը 13:00
Հասցե` Գեղարքունիքի մարզ, գ. Արեգունի

—

Ցավում ենք ու հպարտանում
Քյարամ Քալալի Սլոյան — Շարքային
Ծնված 1996թ., 2014/1 զորակոչ, Աշտարակի ԶԿ
Հոգեհանգիստը տեղի կունենա 05.04.2016թ. ժամը 18:00
Հուղարկավորությունը` 06.04.2016թ. ժամը 12:00
Հասցե` Արագածոտնի մարզ, գ. Արտաշավանի սգո սրահ

09:00
Անցած գիշեր և այսօր առավոտյան զինված դիմակայության լարվածության աճ է արձանագրվել հայ-ադրբեջանական պետական սահմանագոտու հյուսիսարևելյան հատվածում` ՀՀ Տավուշի մարզի Բերդավան և Կոթի բնակավայրերի ուղղությամբ: Ադրբեջանական կողմը հայ դիրքապահների և բնակավայրերի ուղղությամբ կիրառել է տարբեր տրամաչափի հրաձգային զինատեսակներ, 60 և 82մմ ականանետեր:
—
Նաև Սմերչ
Ապրիլի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողությունները իրենց շարունակությունն ունեցան նաև այս գիշեր: Օր-օրի մեծացնելով կիրառվող զինատեսակների տրամաչափը` ապրիլի 4-ի լույս 5-ի գիշերը առաջնային գծի հարավային ուղղությամբ հակառակորդը կիրառել է “Սմերչ” համազարկային կրակի ռեակտիվ համակարգ:
Նույն ժամանակահատվածում հակառակորդը շարունակել է խաղաղ բնակավայրերի և մարտական հենակետերի հրետակոծությունները, անօդաչու թռչող սարքերի ակտիվորեն կիրառումը ղարաբաղա-ադրբեջանական հակամարտ զորքերի շփման գծի ողջ երկայնքով, որոնցից մեկը ՊԲ-ի կողմից ոչնչացվել է:
Իրադարձությունների հետագա զարգացման մասին՝ մեր առաջիկա հաղորդագրություններում:

08:00
Ահա սա է ադրբեջանական մարտական անօդաչու թռչող սարքը՝ ԱԹՍ-ն: