Festival de musique baroque d’Ambronay 2014: Célébrations !

Festival de musique baroque d’Ambronay 2014: Célébrations !

 

Festival de musique baroque dAmbronay 2014

Ամբրոնեյի փառատոնը շարունակում է սովորության համաձայն յուրաքանչյուր աշուն բարոկկո երաժշտության սիրահարներին նվիրել փառատոնային տպավորիչ օրեր: Այս տարին  բացառիկ է՝  նշվում է Մշակութային Հանդիպման Կենտրոնի (centre culturel de rencontre) 10-ամյակը և փառատոնի հրատարակման 35-ամյակը:
Ասել է, թե՝  2014թ.-ի փառատոնը տեղի է ունենում “Celebrations” խորագրի ներքո:

Անվանումը տոնական է և նպաստում է տոնն իսկապես ամբողջովին վայելելուն: Ընտրված ծրագիրն էլ բացառիկ է. Յոհան Սեբաստիան Բախ «Կիրք ըստ սուրբ Հովհաննեսի», Վիվալդի «Տարվա եղանակներ», Մոցարտ «Ռեքվիեմ», Հենդել «Իսրայելը Եգիպտոսում» օրատորիա …
Ամբրոնեյի փառատոնը հատկանշական է նաև նրանով, որ ամեն տարի բարոկկո երաժշտության սիրահարներից բացի իր շուրջն է հավաքում նաև բազմաթիվ կամավորների, ովքեր մեծ սիրով միանում են՝ իրենց ներուժը ներդնելով փառատոնի իրականացման մեջ:
Ինտենսիվ եռանդ, պատրաստակամ նվիրվածություն և գործին վարպետորեն տիրապետում. անհնար է չնկատել անձնակազմի պրոֆեսիոնալ աշխատանքը:
Բացի այդ, նաև ակնհայտ է երաժշտական կողմը՝  ժանրերի բազմազանություն (բարոկկո, ջազ, տանգո, երգչախմբային, դասական երաժշտություն…)` միաձուլված մշակույթային տարբեր նախագծերի և միջնադարյան բացառիկ կառույցների աքուստիկային:

2014թ.-ին  համերգները նույնպես բազմաթիվ են՝ բաղկացած 4 week-end-ից: Փառատոնը կգործի սեպտեմբերի 12-ից մինչև հոկտեմբերի 5-ը:
2-րդ week-end-ի բացումը եղավ սեպտեմբերի 18-ին, Ռոն Ալպ տարածաշրջանում սփռված փոքրիկ գյուղերից մեկի 8-15-րդ դարերին պատկանող Saint Maurice de Gourdans գոթիկ եկեղեցում: Այն նվիրված էր Կարլ Ֆիլիպ Էմանուել Բախի՝ Յոհան Սեբաստիան Բախի երկրորդ որդու մահվան 300-րդ տարելիցին, որն իր ժամանակաշրջանի նույնքան մեծ կոմպոզիտորներից է:

Համերգի ժամանակ Ալին Զիլբերայխի կատարմամբ (կլավեսին, ֆորտեպիանո, Aline Zylberajch- pianoforte & calvecin) հնչեց Կարլ Ֆիլիպ Էմանուել Բախի ստեղծագործություններից ընտրված հրաշալի փունջ և զուգահեռ ներկայացվեց կոմպոզիտորի ստեղծագործական ուղին ու պատմությունը:

Եկեղեցու հնադարյան պատերի մանրանկարչության, ֆորտեպիանոյի ու կլավեսինի ձայների համադրությամբ բարոկկո երաժշտության ակուստիկ ձայնը հաճելի էր հանդիսատեսին:

Հաջորդ օրվա համերգը նվիրված էր հենց Յոհան Սեբաստիան Բախին:  “Concert etranger” օտարերկրացի երիտասարդ երաժիշտներից բաղկացած երգչախումբը, որը Փարիզից է ու ղեկավարում է դիրիժոր Իտայ Ժեդլեն (Itay Jedlin), ներկայացրեց Բախի «Կիրք ըստ սուրբ Հովհաննեսի» (“Passion Selon Saint Jean”) գրքույկը` Բարթոլդ Հենրիխ Բորկի (Barthold Heinrich Brockes), Քրիստիան Հենրիխ Պոստելի (Christian Heinrich Postel) և Քրիստիան Վեյզի (Christian Weise) հոգևոր սփիրիչուելս պոեզիայի հիման վրա, ինչպես նաև՝ մի քանի լյութերական խմբերգության 16-րդ ու 17-րդ դարերի և «Ավետարան ըստ Հովհաննեսի» կտորից (“Evangile de Jean”):

Այս ստեղծագործությունը Բախը ձեռնարկել է 1723թ.-ին: Առաջին անգամ այն կատարվել է հաջորդ տարի՝ Լայպցիգի Սուրբ Թոմաս եկեղեցում: Հետո այն ներկայացվել է մի քանի անգամ փոփոխված տարբերակով Բախի մահվանից առաջ:

Տպավորիչ էր Les Musiciens du Louvre Grenoble “Le Son du Ciel et des Ténèbres” ջազ բարոկկո համերգը՝ ֆրանսիական  խմբի կատարմամբ՝ համադրված դասական երաժշտության և ջազային իմպրովիզացիոն էլեմենտների հետ: Այն տեղի ունեցավ Ամբրոնեյի “Chapiteau d’Ambronay” վրան-համերգասրահում: Բացումը Դոմենիկո Սկարլատտիի Սիմֆոնիա N3-ով էր:

 

Դասական երաժշտության գործիքների բարոկկո հնչյունների, ռոքի անբաժան հարվածային գործիքի հարվածների և սաքսոֆոնի ջազային իմպրովիզացիոն էլեմենտների միախառնումը շատ հետաքրքիր արդյունք էր տվել: Գուցե սա ջազային երաժշտությունից հեռու մարդու ականջին մի փոքր տարօրինակ թվար, բայց, կարծես, ջազը նպաստել էր երաժշտական գործիքների մի տանդեմի ՝ ջութակ, ալտ, թավջութակ, կոնտրաբաս, բաս, կլավեսին, դաշնամուր, կլառնետ, սաքսոֆոն, հարվածային գործիքներ ու բարոկկո ջազ երաժշտության իմպրովիզացիա դասական հայտնի կոմպոզիտորի ստեղծագործություններից՝ Հենդել, Գլյուկ, Ֆալվետի.. :
Մի խոսքով, հրաշալի համերգային ելույթ՝ ջազի ու բարոկկոյի երկխոսությամբ:

Հաճելի երեկո եղավ կրկին Ամբրոնեյի վրան-համերգասրահում` “Chapiteau d’Ambronay”-ում: Այս անգամ «Կակտուս» երաժշտական հեքիաթ-ներկայացումն էր, որի թեման բացակայությունն էր: Այն հանդիսատեսին ընկղմում էր մի փոքրիկ տղայի երևակայական աշխարհի մեջ, որը պիտի հաղթահարեր իր վախերը:

 

— Մամա, շըըը՜շ, բայց մամա, շըըը՜շ.. , — այսպես էր սկսվում հեքիաթը:
Բարոկկո երաժիշտների ու երգիչների, տենորի ու սոպրանոյի, երաժշտական գործիքների՝ ֆլեյտայի, ալտի, ջութակի, գամբայի, ուդի գերակշռող միջավայրում հեքիաթասացը ներկայացումը դնում է պոետիկ հարթության վրա և պատմում փոքրիկ տղայի՝ Լեոյի մասին:
Իսկ երաժշտությունն ու արտիստների բեմական ներկայացումն օգնում են հեքիաթասացին ավարտին հասցնել  հեքիաթի պատմությունը՝ փոքրիկ Լեոյի վախերի մասին:

2-րդ week-end-ի փակումը եղավ Հենդելի «Իսրայելը Եգիպտոսում» հայտնի օրատորիայով՝ Անգլիայից ժամանած ինտերնացիոնալ երաժիշտներից բաղկացած նվագախմբի և երգչախմբի կատարմամբ, խմբավար և դիրիժոր՝ Ռոյ Գուդմեն:
Համերգը 3 մասից էր բաղկացած: Առաջին մասը կոչվում էր «Իսրայելցիների ողբը Հովսեփի մահից հետո» (“Լamentations de Israélites à la mort de Joseph”): Այն թաղման օրհներգ է՝ նվիրված Կարոլին թագուհուն 1937թ.:

2-րդ մասը կոչվում էր «Փախուստ» (“L’Exode”), իսկ 3-րդ մասը՝ «Կանտատ Մովսեսին» (“Le Cantique de Moise”):
Ամբրոնեյի փառատոնը, շարունակելով պահպանել իր ավանդույթը, Լիոնում նույնպես տարածեց բարոկկոն. այս անգամ՝ Մոցարտի «Ռեքվիեմը»:

Դե ինչ, խորագրին չդավաճանելով՝ տոնական տրամադրությամբ՝ գինու գավաթով նշում ենք Ամբրոնեյի փառատոնի 35-րդ հոբելյանական տարին և ասում մեր շնորհավորանքները:
Մինչև հաջորդ տարի:

Ռուզան Պետրոսյան
Ֆրանսիա (Ամբրոնեյ), 2014թ.

Հեղինակը՝ Ռուզան Պետրոսյան

Տես նաև

www.onlineradio.am onlineradio.am onlineradio online radio

«Ժանգոտ դդում» ամենամյա այլընտրանքային մեդիա փառատոն

«Ժանգոտ դդում» ամենամյա այլընտրանքային մեդիա փառատոն

www.onlineradio.am onlineradio.am onlineradio online radio

Garou

Garou

Թողնել պատասխան