«ՌՈԶ-appetit» — Բրազիլական խոհանոց («Ամպանադա» մսով կարկանդակ. բաղադրատոմս)

www.onlineradio.am onlineradio.am onlineradio online radio roz appetit brazilakan khohanotsԲրազիլիայի խոհանոցը Հարավային Ամերիկայում համարվում է լավագույններից մեկը: Այստեղ առկա են և հնդկական աբորիգենների կծու, և պորտուգալական ու ֆրանսիական նրբահամ ուտեստները: Առհասարակ, Բրազիլիայի խոհանոցը կազմված է երեք խոհանոցներից` հնդկացիների, պորտուգալական և աֆրիկյան: Բայց, այնուամենայնիվ, բրազիլական խոհանոցն ամբողջությամբ բնութագրել հնարավոր չէ: Տարբերվում են նույնիսկ առանձին նահանգների ուտեստները: Օրինակ, Բրազիլիայի հյուսիսում պատրաստում են «Տակակո նո տուկուպի»` սոուսով մակարոն` չորացրած ծովախեցգետնով ու ջամբոյով և ջրային կոտեմի նման բույսով, որը «կտրում է լեզուդ»: Ինչպես նաև` «Մունգուզու»` կոկոսի քերուկով եգիպտացորենի հացահատիկ:

Հյուսիս-արևելքում հայտնի են այլ ուտեստներ. «Կարնե դե սոլ»` արևի տակ չորացրած միս, որը պահվում է երկար ժամանակ, «Կոկոսի կաթով օմար», և այլն:
Բրազիլիայում միսը պատրաստում են ձիթայուղով: Այն ավելացնում են նաև աղցաններին: Բրազիլիայի ազգային ուտեստները կծու են և աղի. դա նորմալ է տաք կլիմայի երկրների համար: Սակայն, Բրիզիլիայի համար առանձնացնենք մեկ ուտեստ՝ «Ֆեյժոադան»: Այն պատրաստում են լոբուց, մսերի տարբեր տեսակներից, համեմունքներից, մանիոկի ալյուրից: Մատուցում են կաղամբով, նարնջի շերտերով, կծու սոուսով և բրնձով: Այս ազգային ուտեստն ունի իր պատմությունը. այն 300 տարի առաջ ստեղծել են ստրուկները: Նրանք տերերի ընթրիքից մնացած խոզի մսի կտորները խառնել են լոբու հետ և կերել: Ժամանակի հետ ուտեստը փոփոխությունների է ենթարկվել: Պրտուգալացիներն ավելացրել են նրբերշիկն ու երշիկը, հնդկացիները` ֆարոֆու (մանիոկի ալյուրի և կարագի խառնուրդ): «Ֆեյժոադեի» հետ միշտ մատուցվում է ազգային` «Կայպերինյո» ըմպելիքը` օղու, կիտրոնի և շաքարավազի խառնուրդ է:
Սուրճը դարձել է Բրազիլիայի հյուրասիրության սիմվոլը: Իսկական բրազիլացին օրական խմում է 30 բաժակ սուրճ: Դրա պատրատումն ամբողջ մի արարողակարգ է: Այն սկսվում է մաքուր սպասքից, թարմ ջրից, ճշգրիտ չափսերից: Իսկական բրազիլացին թույլ չի տա, որ սուրճը եռա:
Բրազիլիայի սիրելի ըմպելիքներից են.
«Մաստեն», որ մատուցվում է հատուկ երկաթե բաժակով և ձողիկով: Այն ունի պատրաստման հատուկ եղանակ: Թեյի այս տեսակը շատերի սիրելի ըմպելիքն է:
«Կաշասան» — օղի է՝ վերամշակված տրոսնիկայի սպիրտից։
«Կայպիրինան» — կոկտեյլ է՝ պատրաստված կաշասիից, լիմոնի հյութից, շաքարավազից և սառույցից։
«Գուարանան» — սառը խմիչք է՝ պատրաստված գուարանների պտուղներից։
Բրազիլացիները սիրում են լավ ուտել և նրանց ուտեստները սովորաբար սննդարար են և կազմված են տարբեր համեղ բաղադրատարրերից: Բոլորին հուզում է, թե ինչ են ուտում բրազիլացիները, որ նրանց հաջողվում է պահպանել գեղեցիկ կառուցվածքը:

Ներկայացնեմ բրազիլական ճաշատեսակներից մի քանիսը.
«Մանդիոկան» պատրաստվում է բրազիլական մի բույսի՝ հացարմատի արմատից: Կարտոֆիլի նման՝ հացարմատի արմատը ևս կլպելուց հետո կարելի է խաշել կամ տապակել: Եթե բրազիլական ռեստորանների ճաշացանկում աչքովդ ընկնի «mandioca frita» արտահայտությունը, իմացիր, որ սա կարտոֆիլի «Ֆրիի» նման ճաշատեսակ է: «Մանդիոկան» պատրաստվում է նաև զեյթունի ձեթով ու «Պարմեզան» պանրով: Հացարմատի արմատը կարող է աղացվել և օգտագործվել իբրև համեմունք՝ ձկով, բրնձով, մսով պատրաստված մի շարք կերակրատեսակներում: Հացարմատի այս տեսակը կոչվում է «ֆարոֆա»:
«Պաստելներն» աշխարհի տարբեր ծայրերում տարբեր կերպ են պատրաստվում: «Բրազիլական պաստելները» նման են ծրարների: Խմորից պատրաստված այս «ծրարների» մեջ տարբեր բաղադրատարրեր են լցնում, ապա՝ տապակում: Կարելի է խմորը լցոնել բանջարեղենով, պանրով կամ մսով: Դրանց մեջ կարելի է նաև քաղցր ջեմ լցնել և ուտել՝ իբրև աղանդեր: Դրանք վաճառվում են ճաշարաններում և փողոցային վաճառքի կետերում:
«Չուռասկոն» բրազիլական հայտնի խորովածն է: Քաղաքում կան բազում չուռասկերիաներ՝ խորովածանոցներ: Ցանկանում ես մոտիկից ծանոթանալ Բրազիլիայի ազգային խոհանոցի՞ն՝ այցելիր «Չուռասկերիա», որտեղ մի շարք մատուցողներ շամփուրից անմիջապես ափսեիդ մեջ կկտրատեն միսը: «Չուռասկոն» պատրաստվում է խոզի, հավի, այծի մսից և նրբերշիկից:
«Ակարաժեն» տարածված է Բահիա նահանգում, որտեղ գերիշխող է աֆրո-բրազիլական մշակույթը: Այնտեղի փողոցներում սպիտակազգեստ կանայք մի շարք այլ կերակրատեսակների կողքին վաճառում են նաև «ակարաժե»: Սա ձիթաբլիթ է, որը պատրաստվում է ոլոռից: Այնքան է տապակվում, մինչև դառնում է ոսկեգույն երանգով խրթխրթան բլիթ: Այն կարող է լցոնվել բալատրենիով, բամիայով, տապակած ծովախեցգետնով, սոխով և համեմով: Այս ամենին ավելացվում է տաք սոուս՝ պատրաստված «մալագետա» տեսակի պղպեղից:
«Ասաին» բրազիլական ամենահամեղ կերակրատեսակներից է: Այնուամենայնիվ, քչերին է հայտնի, որ այն հենց բրազիլական է: «Ասաիի» հայտնի տեսակներից մեկն օշարակն է: Այն փոքրիկ բաժակներով վաճառվում է փողոցներում և ռեստորաններում: Ռեստորաններում վաճառվող «Ասաիի» մեջ սովորաբար լինում են գրանոլա և մրգեր:
«Կոխիաները» փողոցային սննդի հայտնի տեսակ են Բրազիլիայում, սակայն դրանք հաճախ մատուցվում են նաև ռեստորաններում: Կոխիաների վերին շերտը խրթխրթան է, իսկ այդ շերտի տակ ավելի փափուկ խմոր է: «Կոխիաները» լցոնված են տարբեր ախորժաբեր համեմունքներով՝ հավի մսով, երբեմն նաև պանրով:
Այս ամենն ուտելուց հետո հաստատ կծարավես: Ծարավը հագեցնելու և տրամադրությունը բարձրացնելու համար փորձիր բրազիլական հայտնի «Կաշասա» խմիչքը:

—————————————
ԲԱՂԱԴՐԱՏՈՄՍ
«Ամպանադա» մսով կարկանդակ (բրազիլական)»
Կարագը, ալյուրը, դեղնուցները, կաթը, աղը խառնել փայտե գդալով: Խմորը փաթաթել սրբիչով ու թողնել մեկ օր: Միսը մանր կտրատել, սոխը աղալ, դնել եփվելու: Ավելացնել քաղցր պղպեղը, ալյուր, ջուր կամ արգանակ:
Ալյուրը ջրով կամ արգանակով բացել, հետո ավելացնել մսին: Խմորը բացել, խմորե շրջանակներ պատրաստել կամ բաժակով կտրել: Ամեն շրջանակի վրա դնել միջուկ, երկու  խաղողի հատիկ, պինդ խաշած ձվի շերտ, ձիթապտուղ: Ձևավորվել ինչպես կարկանդակներ և դնել տաք ջեռոցը: Թխել 5-6 րոպե:

ԲԱՐԻ ԱԽՈՐԺԱԿ
———————-
Հաղորդավար՝ Ռոզա Ավագյան

Յուրաքանչյուր շաբաթ ժ. 15:00-ին (կրկնությունները. շաբաթ ժ. 19:00-ին և ժ. 22:00-ին)
www.onlineradio.am-ի եթերում «ՌՈԶ-appetit» հաղորդաշարն է՝ Ռոզա Ավագյանի հետ:
—————————————————
Խոհանոցն ազգային առանձնահատկությունների արտահայտման ևս մեկ միջոց է:
Փորձիր. թող անուշ լինի:

—————————————————
Ֆեյսբուքյան էջին կարող ես հետևել՝ անցնելով
հղումով

—————————————————
«Օնլայն Ռադիոյի» ֆեյսբուքյան անցուդարձին հետևելու համար անցիր հղումով և հավանիր էջը
Հետևիր «Օնլայն Ռադիոյի» եթերին Ֆեյսբուքում
Հետևիր «Օնլայն Ռադիոյի» եթերին քո բջջայինից

Հեղինակը՝ Ռոզա Ավագյան

Տես նաև

www.onlineradio.am onlineradio.am onlineradio online radio

«Հայաստանի քաղաքացու երգը» Նիկոլ Փաշինյան

«Հայաստանի քաղաքացու երգը» Նիկոլ Փաշինյան

www.onlineradio.am onlineradio.am onlineradio online radio

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Թողնել պատասխան