«Երիտասարդ գրողներ» — Սևակ Արշակյան

www.onlineradio.am onlineradio.am onlineradio online radio eritasard groghner sevak arshakyan«Հին ու բարի ժամանակներում գրքեր գրում էին գրողները, բայց կարդում էին բոլորը: Իսկ հիմա գրքեր գրում են բոլորը, բայց չի կարդում ոչ ոք» — Օսկար Ուայլդի այս խոսքերն արդիական են նաև այսօր: Մեր ժամանակակից գրողների գրքերը թե երբ կգտնեն իրենց ընթերցողին և որքանով կդառնան արժեքավոր՝ ցույց կտա միայն ժամանակը:
Շարունակում ենք երիտասարդ գրողներին ներկայացնելու և բացահայտելու գործընթացը: Մեր այսօրվա հյուրը թեև սկսնակ ստեղծագործող է, բայց արդեն իսկ ունի իր ոճր: Գրում է սեղմ, համառոտ: Նրա ստեղծագործություններում ամեն ինչ չափի մեջ է՝ չկան խոսքն արհեստականորեն բարդացնող բառեր: Պարզ, անմիջական խոսքը նաև հուզիչ է, հոգեցունց: Մեր հյուրն է երիտասարդ ստեղծագործող Սևակ Արշակյանը:
Բարև, Սևակ:
Ողջույն:
Շ
նորհակալություն մեր հրավերն ընդունելու համար:
Ես նույնպես շնորհակալ եմ հյուրընկալության համար:
Որտեղի՞ց ես ծննդով
: Ի՞նչ մասնագիտություն ունես:
Ծննդով Արմավիրի մարզի Մրգաշատ գյուղից եմ: Մասնագիտությամբ՝ տնտեսագետ, հոգով՝ բանաստեղծ:
Ինչպե՞ս եղավ քո մուտքը գրական աշխարհ:
Մուտք որպես այդպիսին չի եղել: Գրական աշխարհն ինքնին բաց է և ով ցանկանում է կարող է մտնել, դուրս գալ: Սակայն, կա գրականության մեջ մի այնպիսի կաղապար, որտեղ մտնողներն արդեն կայացած գրողներ են: Մնացածը, որոնք այդ կաղապարի կողքով պտտվում են՝ ցանկանում են մտնել այդ կաղապարի մեջ, կարող են անընդհատ գրել՝ մինչև կզարգացնեն իրենց գրիչը, կմտնեն այդ կաղապարի մեջ, կդառնան գրողներ:
Ո՞րն է քո ստեղծագործության առանցքը: Ի՞նչը կարող է քեզ համար դառնալ ներշնչանքի աղբյուր:
Ներշնչանքի աղբյուր կարող է դառնալ ամեն ինչ՝ սկսած սովորական գրչից: Պետք է իմաստ ունենա, շատ երկար խոսք չլինի, որպեսզի ընթերցողն ընկալի միանգամից: Գիրը պետք է ունենա իր կոնկրետ իմաստը, ասելիքը: Ասելիք չունեցող գործն, այսպես ասած, գրական աղբ է, որը գրականության մեջ չպիտի լինի:
Կա՞ն այնպիսի թեմաներ, որոնց երբեք չես անդրադառնա:
Երևի թե` ոչ: Այն, ինչ կատարվում է մարդու կյանքում, արդեն իսկ գրելու նյութ է: Սակայն, որոշակի տարիքային տարբերությամբ կամ այդ ժամանակ թե ինչ հոգեկերտվածք կունենաս, ինչ տրամադրվածություն կունենաս:
Դու նաև «Երիտասարդ գրողներ գրական ակումբի» հիմնադիրներից ես: Ո՞րն է ակումբի նպատակը և գաղափարախոսությունը:
Խումբն ստեղծել ենք այն նպատակով, որ կարողանանք ի հայտ բերել նոր, երիտասարդ գրողների, ստեղծել հնարավորություն իրենց գրիչը հղկելու և, ինչու ոչ, դառնալ ապագայի համար մեծ գրողներ:
Արդյո՞ք, երիտասարդի համար դժվար չէ համախմբել երիտասարդներին և պահպանել յուրաքանչյուրի անհատականությունը:
Երիտասարդներին համախմբելն ինքնին շատ դժվար է, քանի որ գործ ունենք ստեղծագործողների հետ, որոնք ունեն իրենց տարբեր աշխարհայացքները, կարծիքները: Հավաքելով նրանց մեկ տեղում կարող է շատ վեճեր ծագեն միմյանց մեջ:
Ո՞վ է ստեղծագործություններիդ առաջին ընթերցողը:
Այդպիսի մարդ չկա: Հիմնականում գործերս տեղադրում եմ խմբում և կարծիք հայտնում են խմբակիցներս:
Քննադատություն լսելիս կարևորո՞ւմ ես, թե ով է քննադատողը՝ հասարակ ընթերցող, թե՞ ոլորտում կայացած գրականագետ կամ բանասեր: Ինչպե՞ս ես վերաբերում քննադատությանը:
Քննադատությունը լավ է: Սակայն, առողջ քննադատությունը: Ոմանք քննադատում են ոչ թե ստեղծագործությունը, այլ հենց մարդուն: Չեմ ընդունում, երբ ստեղծագործությունը դնում են մի կողմ և քննադատում են մարդուն: Կամ մեկ այլ տարբերակ՝ չկարողանալով դիպչել այդ մարդուն, բացասական են արտահայտվում նրա ստեղծագործությունների մասին: Ինչ վերաբերում է քննադատողի ով լինելուն՝ եթե նա սովորական ընթերցող է, կարող ես և լուրջ չվերաբերվել դրան: Մասնագետի դեպքում պետք է ընդունել դա:
Դու ստեղծագործում ես չափածո և մտքերդ արտահայտում կարճ, սեղմ և համառոտ: Ի՞նչպես կատարվեց այդ ընտրությունը:
Ընդունում եմ, երբ ասելիքը լինում է կարճ և կոնկրետ: Նյութդ պետք է լինի կարճ և կոնկրետ՝ խփի նշանակետին:
Երբևէ չե՞ս մտածել արձակ ստեղծագործելու մասին:
Արձակ էլ եմ ստեղծագործում: Հավանաբար, ոչ մեկ չգիտի դրա մասին: Չեմ ներկայացնում հանրությանը զուտ այն պատճառով, որ գտնում եմ՝ պետք է կատարելագործել, հետո տարածել:
Վերջերս տպագրվեցիր «Սիրո հևքը գրչի ներքո» ժողովածուում, որտեղ ներառված էին տասներկու երիտասարդ ստեղծագործողներ: Ինչպե՞ս եղավ առաջարկը: Ինչպիսի՞ն էին զգացողությունները՝ չէ որ առաջին անգամ ընթերցողը տեսնում էր քեզ համացանցից դուրս:
Շատ լավ առաջարկ էր: Այնտեղ հավաքվել էին խմբակիցներս՝ «Երիտասարդ գրողների գրական ակումբի», ովքեր իրենց գրերով կիսվում էին հենց ակումբում: Որոշեցինք, որ պետք է ստեղծագործողներով գիրք տպագրել: Տպագրեցինք: Թե ինչ ստացվեց արդյունքում՝ թողնենք ընթերցողների արձագանքին:
Քո խոսքը մեր ռադիոունկդիրներին և գրչակից ընկերներին:
Մեր գրողներին խորհուրդ կտամ քննադատություններին այդքան էլ էականորեն չվերաբերվել: Միշտ գրել, հետագայում՝ կատարելագործվել և գուցե դառնալ հայտնի գրող:
Շնորհակալ եմ քեզ՝ անկեղծ և գեղեցիկ զրույցի համար: Մաղթում եմ նորանոր հաջողություններ և բեղուն գրիչ:
Շնորհակալություն:

Անունդ կարծես մի նոր արև է,
Մի կյանք է կարծես ու մի վեհություն,
Անունդ սրտիս կենարար արյունն է,
Մի աստվածություն է, ու մի սրբություն:
Անունդ հոգումս մի երգ է անտես,
Որ երգում եմ ես քնած թե արթուն,
Անունդ սրտումս մի նետ է ասես,
Որ ստիպում է ինձ տանջվել անքուն:
Անունդ ճամփիս փարոս է դարձել,
ՈՒ դարման է դարձել սրտիս վերքերին,
Անունդ հզոր աղոթք է դարձել,
Փրկիչ է դարձել մեղավորներին:
Անունդ ինձ ասես թևեր է տալիս,
ՈՒ կյանք է տալիս, կատարելություն,
Անունդ տալիս ծնկի եմ գալիս,
Աղոթում եմ քեզ դու իմ սրբություն…
ՍԵՎԱԿ ԱՐՇԱԿՅԱՆ
————————————————
Հաղորդավար՝ ՍՈՆԵՏ (Սոնա Վանյան)
————————————————
«Օնլայն Ռադիոյի» անցուդարձին հետևելու համար անցիր հղումով և հավանիր էջը
———————————————————————————————

Հետևիր «Օնլայն Ռադիոյի» եթերին Ֆեյսբուքում
Հետևիր «Օնլայն Ռադիոյի» եթերին քո բջջայինից

Հեղինակը՝ Սոնա Վանյան

Տես նաև

www.onlineradio.am onlineradio.am onlineradio online radio

«Հայաստանի քաղաքացու երգը» Նիկոլ Փաշինյան

«Հայաստանի քաղաքացու երգը» Նիկոլ Փաշինյան

www.onlineradio.am onlineradio.am onlineradio online radio

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Թողնել պատասխան