«Երիտասարդ գրողներ» — Անահիտ Վարդանյան (Սիդ)

www.onlineradio.am onlineradio.am onlineradio online radio eritasard groghner anahit vardanyan sidՄեր հաղորդման նպատակն է նպաստել ժամանակակից գրականության լուսաբանմանը, հնարավորություն ընձեռել երիտասարդ և սկսնակ գրողներին՝ իրենց խոսքը ներկայացնելու հանրությանը: Մեր հյուրերը երկար ճանապարհ անցած գրողներ չեն, չունեն հրատարակած բազմաթիվ գրքեր, չեն մասնակցել բազմազան հարցազրույցների, սակայն ցանկանում են կիսվել իրենց մտքերով, քեզ հաղորդակից դարձնել իրենց ապրումներին:
Մեր այսօրվա հյուրը գրում է նուրբ և եթերային, ստեղծագործման թեմատիկան բազմազան է՝ հայրենիքից մինչև սեր, բնությունից մինչև մարդկային բարդ փոխհարաբերությունների քննություն: Մեր հյուրն ստեղծագործում է թե չափածո, թե արձակ ոճերում, արդեն իսկ ունի իր տարբերվող ձեռագիրը:
Մեր զրուցակիցը երիտասարդ ստեղծագործող Անահիտ Վարդանյանն է, որը հանրությանը ներկայանում է Սիդ գրական կեղծանունով:

Բարև, Անահիտ: Շնորհակալություն մեր հրավերն ընդունելու համար:
Ողջո՛ւյն Սոնետ:
«Սիդ» — բավականին հետաքրքիր կեղծանուն է: Կպատմե՞ս. ինչու՞ որոշեցիր այդպես ներկայանալ:
Ստեղծագործում եմ տարբեր ժանրերում, առավելապես ներկայանում եմ արձակով: Ստեղծագործություններս մի փոքր այլ բնույթ ունեն, գրական կեղծանունս՝ «Սիդը», իսպաներեն բառ է, որ նշանակում է «տեր»: Որպես տղա ներկայանալու համար հարմար կեղծանուն է:
Գիտեմ, որ ստեղծագործում ես մանկուց: Ինչպե՞ս ծնվեց քո առաջին ստեղծագործությունը:
Դեռ վաղ դպրոցական տարիներից սկսեցի կարդալ տարբեր գործեր՝ սկսած Թումանյանի հեքիաթներից: Տարիների ընթացքում անցանք այլ հեղինակների: Առավելապես տպավորվեցի Դանիել Վարուժանով: Հասկացա, որ շատ եմ սիրում հայրենիքը, լեռները, հացի բույրը, և սկսեցի գրել նրա «Հացին երգը» շարքի նմանությամբ:
Ո՞րն է քո առաջին ստեղծագործությունը: Ինչի՞ մասին է այն:
Ստեղծագործությունս պահպանում եմ՝ թոնրի, հացի ստեղծման մասին էր:
Հնարավո՞ր է հետագայում դառնաս գյուղական կյանքը ներկայացնող գրող:
Չեմ կարծում: Մեծացել եմ գյուղում, լեռներում, և այդ ամենն իմ մեջ այնքան է հագեցած, որ չեմ կարծում՝ գրելով կարողանամ լրացնել պակասը:
Սիդ, դու նաև ակտիվորեն զբաղվում ես քննադատական և խմբագրման աշխատանքներով: Ինչպե՞ս ես վերաբերվում քննադատությանը:
Գրողի առաջընթացի համար քննադատությունն անհրաժեշտ է, որպեսզի չլճանա: Նույնիսկ փորձառու գրողներին քննադատությունն անհրաժեշտ է:
Ինչպիսի՞ն պետք է լինի սկսնակ գրողի գործերը ներկայացնող քննադատությունը:
Պետք է նրբորեն մատնանշել թերությունները, որպեսզի չարմատավորվեն: Շատ դժվար է արդեն հասունացած գրողի մոտ արմատացած խնդիրները շտկելը:
Վերջերս բանաստեղծությունների համահավաք անթոլոգիայում ներկայացաք և որպես խմբագիր, և որպես հեղինակ: Գիրքը տպագրության եք հանձնել ընդամենը 3 օրում՝ սա աննախադեպ երևույթ է: Շնորհավորում եմ: Ինչպե՞ս է կոչվում գիրքը: Ի՞նչ հեղինակներ են ներառված:
Ներառված են «Երիտասարդ գրողներ գրական ակումբի» հեղինակների ստեղծագործությունները: Հեղինակները մեծ մասամբ տպագրվում են առաջին անգամ: Ժողովածուն կոչվում է «Սիրո հևքը գրչի ներքո»: Ամփոփում է սիրային ստեղծագործություններ: Ժողովածուն ողոված է սիրուց ծնված զգացմունքներով՝ սեր, ատելություն, ցավ… Մնացյալն՝ արդեն ստեղծագործողի մեկնաբանությամբ: Հեշտ չէր աշխատել սկսնակ ստեղծագործողների գործերի հետ. ինչ որ բառ, նշան փոխելը, գուցե, անդրադառնար գրողի աշխարհայացքի և հոգեբանության վրա:
Ո՞վ է քո սիրելի գրողը: Ո՞ր գրողի ազդեցությունն ես նկատում քո ստեղծագործություններում:
Շատ հեղինակներով եմ հիացած՝ նրանց արվեստն իմն է: Առավելապես ոգեշնչված եմ Հերման Հեսսեով, որի «Տափաստանի գայլը» ստեղծագործությունն ամեն անգամ դառնում է ներշնչանքի նոր աղբյուր:
Շնորհակալություն բովանդակալից զրույցի համար: Մաղթում եմ ստեղծագործական կյանքի՝ վերելքներով լի, հագեցած ընթացք:

Գրականությունն ավելի լուրջ է, քան պատկերացնում ենք: Ժամանակը շատ անողոք է՝ ժամանակը չի ներում այն մարդկանց, որոնք խաբեությամբ են զբաղվում: Անկեղծ եղիր ինքդ քեզ հետ, և դարձիր մեր ժամանակների հերոսը: Մենք էլ սիրով կհյուրընկալենք քեզ՝ «Օնլայն Ռադիոյի» «Երիտասարդ գրողներ» հաղորդաշարի շրջանակներում:
Հաղորդավար՝ ՍՈՆԵՏ (Սոնա Վանյան)

Յուրաքանչյուր կիրակի ժ. 18:00-ին (կրկնությունները. կիրակի ժ. 23:00-ին և երկուշաբթի ժ. 13:00-ին)
www.onlineradio.am-ի եթերում «Երիտասարդ գրողներ» հաղորդաշարն է՝ Սոնետի հետ:
—————————————————
Ֆեյսբուքյան էջին կարող ես հետևել՝ անցնելով այս հղումով

—————————————————
Հետևիր «Օնլայն Ռադիոյի» եթերին քո բջջայինից

Հեղինակը՝ Սոնա Վանյան

Տես նաև

www.onlineradio.am onlineradio.am onlineradio online radio

«Հայաստանի քաղաքացու երգը» Նիկոլ Փաշինյան

«Հայաստանի քաղաքացու երգը» Նիկոլ Փաշինյան

www.onlineradio.am onlineradio.am onlineradio online radio

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Թողնել պատասխան