«ՌՈԶ-appetit» — Չինական խոհանոց (Հավի մսով կունց պաո)

www.onlineradio.am onlineradio.am onlineradio online radio roz appetit chinakan khohanotsԱսիայի հնագույն պատմությունը, նրա մշակույթն ու փիլիսոփայությունը սերտորեն փոխկապակցված են չինական խոհանոցի հետ: Չինական կերակուրն իր յուրահատուկ կանոնները, արարողություններն ու սովորույթներն ունի: Չինացու համար ուտելիքը ոչ միայն հագենալու միջոց է, այլև առաջին հերթին կյանքի փիլիսոփայություն, որոշակի արարողակարգ, որին հետևում են օրվա որոշակի ժամանակահատվածում՝ մի քանի անգամ:
Ուտելու համար մատուցվում են կերակուրներ, որոնք պետք է ներառեն հիմնական համային հատկություններ՝ թթու, քաղցր, աղի, բուրավետ, կծու և անալի: Չինաստանում ճաշն սկսվում է մի գավաթ կանաչ թեյով, այնուհետև՝ մատուցվում են նախուտեստները, երկրորդ ուտեստները, ապուրն ու կանաչ թեյի ևս մեկ գավաթ: Չինական խոհանոցը հայտնի է իր բացառիկությամբ, յուրահատուկ բույրերով, գույներով և համերով:
Այս խոհանոցը բավական բազմազան է: Այն բաժանվում է չորս հիմնական խոհարարական շրջանի՝ Շան- դուն, Սիչուան, Կանտոն և Ֆուցզյան: Յուրաքանչյուր շրջանի ուտեստները պատրաստման մթերքներն ու համեմունքների օգտագործման իրենց առանձնահատկություններն ունեն: Սակայն, շատերը կարծում են, որ խոհարարական շրջանների միջև տարբերությունները պայմանական են և ոչ մի կերպ չեն համընկնում աշխարհագրության հետ:
Երևանի բոլոր ռեստորաններում հարուստ կերպով ներկայացված են Սիչուան և Կանտոն նահանգների ուտեստները: Դրանց ճաշացանկերը ներառում են բազմաթիվ ուտեստներ բանջարեղենով, հավով, բադով, հորթի մսով, համեմունքների և սոուսների հսկայական տեսականիով: Ռեստորանները որոշել են խուսափել կանտոնական խոհանոցին հատուկ շան և կատվի մսից, օձից, մրջյուններից և խխունջներից պատրաստված ուտեստներից:
Բրինձը չինացու համար սնվելու հիմնական մթերքներից է, ինչպես հացն՝ արևմտյան մարդու համար:
Սոյայի սոուսը չինական խոհանոցում հայտնվել է շուրջ երկու հազար տարի առաջ:
Սննդից բացի մեծ նշանակություն է տրվում ըմպելիքներին: Չինաստանում թեյը միայն ըմպելիք չէ, այն կարևոր դեր ունի բժշկության և խոհանոցի մեջ: Չկա աշխարհում որևէ այլ երկիր, որտեղ խոհարարական արվեստը հասցված լինի այդպիսի կատարելության: Չինաստանի բնակչության սիրելի մթերքներն են բրինձը , սոյան, բողկը և չինական կաղամբը: Ճիշտ սննդակարգը օգնում է չինացիներին կյանքի միջին տևողությունը հասցնել մինչև յոթանասուն տարի:
Չինաստանում տարեց մարդիկ իրար հանդիպելիս ողջունելու փոխարեն ասում են. «Նի չաֆանլա մա» («Արդեն կերե՞լ եք»): Այն մարդու մասին, ով կորցրել է աշխատանքը, ասում են. «Նա կոտրեց իր բրնձով ափսեն»:
——————————————————————-
ԲԱՂԱԴՐԱՏՈՄՍ
Հավի մսով կունց պաո
Չինական թռչնամսով ուտեստ է: Մարինադ պատրաստելու համար, թավայի մեջ լցնել երկու ճաշի գդալ սոյայի սոուս, ավելացնել մեկ ճաշի գդալ սպիտակ գինի, մեկ ճաշի գդալ օսլա խառնել: Հավի կրծքամիսը ոչ մեծ կտորների կտրատել, լցնել մարինադի մեջ, լավ խառնել:
Փոքր թասի մեջ խառնել երկու ճաշի գդալ սոյայի սոուսը, քացախը, մեկ ճաշի գդալ սպիտակ գինին, շաքարավազը, մեկ թեյի գդալ օսլա ավելացնել, լավ խառնել:
Տապակի մեջ բուսայուղ տաքացնել, հավի կտորներն՝ անընդհատ խառնելով, տապակել 3-5 րոպե: Դատարկել քամիչի մեջ: Բուսայուղից երկու ճաշի գդալի չափ վերաձևել տապակի մեջ, գցել մանրացրած չոր չիլի պղպեղը: Կես րոպեից ավելացնել մանրացրած սխտորն ու կոճապղպեղը: Մեկ րոպեից ավելացնել հավի կտորների չափով կտրատած կանաչ պղպեղն ու հավի կտորները: Խառնելով տաքացնել 1-2 րոպե, լցնել ընկույզը, սոուսը խառնելով տապակել՝ մինչև բաղադրիչների փայլուն դառնալը:

ԲԱՐԻ ԱԽՈՐԺԱԿ
———————-
Հաղորդավար՝ Ռոզա Ավագյան

Յուրաքանչյուր շաբաթ ժ. 15:00-ին (կրկնությունները. շաբաթ ժ. 19:00-ին և ժ. 22:00-ին)
www.onlineradio.am-ի եթերում «ՌՈԶ-appetit» հաղորդաշարն է՝ Ռոզա Ավագյանի հետ:
—————————————————
Խոհանոցն ազգային առանձնահատկությունների արտահայտման ևս մեկ միջոց է:
Փորձիր. թող անուշ լինի:

—————————————————
Ֆեյսբուքյան էջին կարող ես հետևել՝ անցնելով
հղումով

—————————————————
«Օնլայն Ռադիոյի» ֆեյսբուքյան անցուդարձին հետևելու համար անցիր հղումով և հավանիր էջը
Հետևիր «Օնլայն Ռադիոյի» եթերին Ֆեյսբուքում
Հետևիր «Օնլայն Ռադիոյի» եթերին քո բջջայինից

Հեղինակը՝ Ռոզա Ավագյան

Տես նաև

www.onlineradio.am onlineradio.am onlineradio online radio

«Հայաստանի քաղաքացու երգը» Նիկոլ Փաշինյան

«Հայաստանի քաղաքացու երգը» Նիկոլ Փաշինյան

www.onlineradio.am onlineradio.am onlineradio online radio

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Թողնել պատասխան