«ՌՈԶ-appetit» — Ճապոնական խոհանոց (Ճապոնական ձկան կոտլետ)

www.onlineradio.am onlineradio.am onlineradio online radio roz appetit chaponakan khohanotsԲնական և ներդաշնակ. այն համարվում է աշխարհի ամենաառողջ խոհանոցը: Այն ցածր կալորիականություն է պարունակում, հարուտս է երկաթով և պրոտեինով, բայց աղքատ է խոլեստերինի և ճարպերի տարբեր տեսակների տեսանկյունից: Մյուս խոհանոցների հետ համեմատած այն գրեթե զերծ է համեմունքներից, հիմնված է բրնձի, սոյայի մթերքների (միսո, տոֆու), ձկան, ծովամթերքների, ջրիմուռների և բանջարեղենի վրա: Հայտնի է իր պարզ, գեղեցիկ ձևավորված ուտեստներով, որտեղ բաղադրիչներից և ոչ մեկը մյուսի համը չի փոխում: Ճապոնական խոհանոցը համարվում է երկարակեցության խոհանոց: Այս խոհանոցի յուրահատկությունը, տարբերվող առանձնահատկությունը յուրաքանչյուր մասնիկին մեծ ուշադրություն դարձնելն է:
Ճապոնական խոհարարները պատրաստում են միայն թարմ բաղադրիչներից, այդ իսկ պատճառով յուրաքանչյուր ուտեստ դառնում է բնության մի մասնիկ: Յուրաքանչյուր ճաշատեսակի հիմնական մասը բրինձն է: Կլիման ամբողջ Ճապոնիայում շատ նպաստավոր է մեծ պահանջարկ ունեցող այս բույսի աճեցման համար:
Հավանաբար աշխարհի ոչ մի խոհանոցում այսքան ուշադրություն չեն դարձնում մատուցմանն ու հյուրասիրությանը: Ուշադրություն են դարձնում նաև սննդի ձևավորմանը: Օրինակ` սուշին և սաշիմին ձևավորում են ծաղիկներով, բույսերով և տերևներով:
Հիմա ներկայացնեմ ճապոնական վարվեցողության կանոնները
• երբեք մի փոխանցեք ուտելիքը այլ անձի ձեր փայտիկներով (դա կապված է բուդդիստական թաղման արարողության հետ, որի ժամանակ մասնակիցները փոխանցում են դիակիզման վառարանում այրված մարմնի մոխիրով աճյունասափորը): Եթե ուզում եք փոխանցել ձեր ուտելիքը մեկ ուրիշի՝ փոխանցեք նրան ձեր ամբողջ ափսեն, և թույլ տվեք որ նա ինքն ընտրի:
• եթե պատրաստվում եք միասին ուտել միևնույն ճաշատեսակից, ապա օգտագործեք ձեր փայտիկների երկու ծայրերն էլ
• սուշի կարելի է ուտել ձեռքերով, սաշիմին` միայն փայտիկներով
• մի բռնեք փայտիկները մեջտեղից՝ միշտ աշխատեք բռնել դրանք վերջին մասից
• երբեք մի օգտագործեք փայտիկները ձեզ մոտ դրված ուտեստը քաշելու համար
• մի կծեք ուտեստի մի մասն ու հետո մնացածը դրեք ափսեի մեջ: Եթե ինչ-որ բան դրել եք բերանը՝ կերեք այն
• դանակ մի խնդրեք
• ուտելուց հետո փայտիկները հենեք հաշիոկիին, ամենաճիշտը` սուշի բարին ուղղահայաց, երբեք փայտիկներն ուղիղ սեղանի մի դրեք
• երբեք փայտիկները հետ մի դրեք ձեր ափսեի մեջ (այս դեպքում նույնպես ճապոնացիները դա նմանեցնում են թաղմանը)
• աշխատեք ուտել ձեր ափսեում եղած ամբողջ բրինձը, նույնիսկ ամենափոքր բաժին ուտելիք թողնելն անտակտություն է, բրինձը թողնելը` բացարձակ անտակտություն (իրականում այս արգելքը միայն Ճապոնիայում է գործում)
• ոչ մի դեպքում ծխախոտ մի վառեք, ծխախոտի ծուխը թույլ չի տալիս մյուսներին վայելելու համը և զգալու նրբահամ կերակուրների հոտը: Ավելին, տեղին է այն հոտը, որ օգնում է ճանաչելու՝ արդյոք, ձուկը թարմ է, թե ոչ
• սոյայի սոուսը մատուցվում է ձկան համար. երբեք ամբողջ սուշին դրա մեջ մի թաթախեք
• ապուր կամ պաստա ուտելիս կարող եք ծպպացնել (բայց ոչ ֆրթացնել), կարող եք ափսեն բարձրացնել ձեր բերանի մոտ. սկզբից ուտում եք «կոշտ» տարրերը՝ օգտագործելով փայտիկները, հետո` պարզապես խմում եք մնացածը
• սակեն խմում են ճաշից առաջ կամ հետո, գինին պարզապես չի սազում բրնձին: Ճաշի ժամանակ կարող եք խմել գարեջուր, սպիտակ գինի, թեյ կամ ջուր, ավանդականորեն սակեն մատուցվում է միայն սաշիմիի հետ
• գարեջուրը կամ սակեն լցնում են սեղանի շուրջ նստած բոլոր մարդկանց համար, այդպիսի սովորություն չկա, որ յուրաքանչյուրը խմի իր շշից
• ճապոնացիների կարծիքները բաժանվում են. ոմանք խորհուրդ են տալիս սկսել սաշիմիից, շարունակել սուշիով և վերջացնել բրնձով միսո ապուրով, մյուսները խորհուրդ են տալիս սկզբից ուտել սուշի՝ ձվածեղով և բանջարեղենով, հետո ուտել ինչ ուզեք, իսկ սաշիմին թողնել վերջում ուտելու:
Ճապոնական խոհանոցում մեծ դեր են խաղում նաև թարմ բաղադրիչները` մթերքներն ու սունկը, ծովամթերքը, այս տեսակների բազմազանությունը կախված է տարվա եղանակներից: Ոչ ոք չի կարող պատկերացնել երեկոն ճապոնական ռեստորանում առանց լոլիկի, սմբուկի, ցուկինիի, կանաչ լոբու, սպանախի, կարտոֆիլի: Ճապոնական Վացիու տավարի միսը համարվում է աշխարհում ամենաթանկը: Կենդանիներին հատուկ խնամում են, կերակրում, բարձրորակ խոտով: Հաճախակի նրանց տալիս են թխվածք և գարեջուր: Հայտնի է նաև Շիչիմին՝ որպես չիլի պղպեղ՝ յոթ տարբեր համերով, որը հայտնի հավելում է: Դրանց համերն են. չիլի կարմիր պղպեղը, սպիտակ քունջութի սերմերը, կանեփի սերմը, աղացած կոճապղպեղը և ջրիմուռները: Լավագույն ուտեստներից է համարվում նաև «Սան նակ ջի» կենդանի ութոտնուկը: Ճապոնացիներն այս ուտեստը մատուցում են կենդանի վիճակում: Այն համեմում են ամենատարբեր սոուսներով` կախված գուրմանի ճաշակից: Ութոտնուկն ուտում են կենդանի վիճակում՝ մասնատելով մանր կտորների: Այն թեև թունավոր չէ, սակայն տարեկան նրանցից մահանում է միջինը վեց մարդ, քանի որ այս կենդանին շարժվում է նույնիսկ ուտողի կոկորդում` հասցնելով նրան շնչահեղձության: Այս ուտեստը մատուցվում է ջրի հետ: Ճապոնացիները պատրաստում են ամանորյա բազմազան և խորհրդանշական ուտեստներ` մորի, բրնձի ալյուրից պատրաստում են բլիթներ, թխվածքներ և այլ անուշեղեններ: Ըստ ճապոնական ավանդության երկար մակարոնները երկարակեցության խորհրդանիշ են, լոբին նշանակում է առողջություն, իսկ իրենց ամենասիրելի ուտեստը` բրինձը նշանակում է երջանկություն:
Ճապոնական հիմանական ուտեստներն են` «Հավը ճապոնական ձևով», «Հնդկահավն անանասով», «Տապակած հավը պղպեղով և կանաչ սոխով», «Բանջարեղենները տապակած կծվով և լապշայով», «Խոզի միսը քաղցր և թթու սոուսով»:
Ճապոնիայում շատ տարածված են նաև քաղցրավենիքները, օրինակ.
Տենգուսա ջրիմուռներից պատրաստված ագար- ագարը:
Մանձյու` սրանք փոքր թխվածքաբլիթներ են, որոնց արտաքին շերտը պատրաստված է ցորենի կամ բրնձի ալյուրից, իսկ միջուկը` անկոյի հատիկներից:
Դանգոն` ջրի մեջ եփած լոշիկ է. պատրաստվում է այն կպչուն բրնձի ալյուրից և մատուցվում մի քանի փայտիկի վրա շարած:
Հաջորդը Կասուտերան է` բիսկվիտ է: Այն մյուս բիսկվիտներից տարբերվում է իր պնդությամբ և քաղցրությամբ:
Օսիլուրոն` մատուցվում է մոչի կամ դանգո լոշիկների հետ:
Այստեղ տարածված է նաև շատ թեյ խմելը: Թեյ խմելու արարողությունը կատարվում է թեյի տնակում, որը գտնվում է այգու մեջ: Այսօր մեր ճաշացանկում է «Ճապոնական ձկան կոտլետները»:
—————————————
ԲԱՂԱԴՐԱՏՈՄՍ
Ճապոնական ձկան կոտլետներ

Ձկան միսն աղալ, խառնել եգիպտացորենի ալյուրի, ձվի դեղնուցի, բուսայուղի հետ:
Թավայի մեջ բուսայուղ տաքացնել՝ մինչև կարմրելը:
Սառեցնել, կտրատել երկարավուն շերտերով և մատուցել հազարի տերևների հետ:

ԲԱՐԻ ԱԽՈՐԺԱԿ
———————-

Հաղորդավար՝ Ռոզա Ավագյան
Յուրաքանչյուր շաբաթ ժ. 15:00-ին (կրկնությունները. շաբաթ ժ. 19:00-ին և ժ. 22:00-ին)
www.onlineradio.am-ի եթերում «ՌՈԶ-appetit» հաղորդաշարն է՝ Ռոզա Ավագյանի հետ:
—————————————————
Խոհանոցն ազգային առանձնահատկությունների արտահայտման ևս մեկ միջոց է:
Փորձիր. թող անուշ լինի:

—————————————————
Ֆեյսբուքյան էջին կարող ես հետևել՝ անցնելով
հղումով

—————————————————
«Օնլայն Ռադիոյի» ֆեյսբուքյան անցուդարձին հետևելու համար անցիր հղումով և հավանիր էջը
Հետևիր «Օնլայն Ռադիոյի» եթերին Ֆեյսբուքում
Հետևիր «Օնլայն Ռադիոյի» եթերին քո բջջայինից

Հեղինակը՝ Ռոզա Ավագյան

Տես նաև

www.onlineradio.am onlineradio.am onlineradio online radio

«Հայաստանի քաղաքացու երգը» Նիկոլ Փաշինյան

«Հայաստանի քաղաքացու երգը» Նիկոլ Փաշինյան

www.onlineradio.am onlineradio.am onlineradio online radio

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Նիկոլ Փաշինյանի ասուլիսը՝ Սերժ Սարգսյանի 3-րդ պաշտոնավարման դեմ

Թողնել պատասխան